ჩრდილოეთ კორეამ მორიგი ბალისტიკური რაკეტები გამოსცადა. მედიის ინფორმაციით, პოლიგონიდან კიდევ ორი ამოუცნობი კლასის რაკეტა გაუშვეს.
ისინი იაპონიის ზღვაში ჩავარდა. სავარაუდოდ, საუბარია ბალისტიკურ რაკეტაზე, რომელიც მიზანს მოკლე მანძილზე ანადგურებს. ბოლო 2 კვირის განმავლობაში ეს უკვე მეხუთე სამხედრო ექსპერიმენტი გახდა.
ფხენიანმა ბალისტიკური რაკეტების გამოცდა სამხრეთ კორეისა და შეერთებული შტატების ერთობლივი წვრთნების ფონზე გააქტიურა და ორივე მხარეს სამხედრო მანევრების შეწყვეტა მოსთხოვა.
კიმ ჩენ ინმა სპეციალური წერილი დონალდ ტრამპსაც მიწერა. შეერთებული შტატების პრეზიდენტი აღნიშნავს, რომ წერილის შინაარსთან გამოცნობის შემდეგ მას ახალი მოლაპარაკების იმედი გაუჩნდა.
კომენტარები