რუსეთის დუმის სამოქალაქო საზოგადოების განვითარების კომიტეტის თავმჯდომარე სერგეი გავრილოვი იმედოვნებს, რომ საქართველოს ახალ მთავრობას სიმამაცე ეყოფა, რუსეთთან გულახდილ მოლაპარაკებაზე გავიდეს.
ამის შესახებ გავრილოვმა საქართველოს პრემიერ-მინისტრობის კანდიდატად გიორგი გახარიას დასახელების კომენტირებისას განაცხადა.
„იმედი გვაქვს, რომ საქართველოს მთავრობის მეთაურს, რომელიც საქართველოს პრეზიდენტისგან დამოუკიდებელია, ეყოფა სიმამაცე გავიდეს გულახდილ მოლაპარაკებაზე რუსეთთან, რომ აღდგეს თანამშრომლობა. პრემიერ-მინისტრობის კანდიდატი გიორგი გახარია თბილისში ივნისის დარბევის დროს მტკიცე პოზიციით გამოირჩეოდა“,-განაცხადა გავრილოვმა.
აღსანიშნავია, სერგეი გავრილოვი ის რუსი დეპუტატია, რომლის თბილისში ჩამოსვლამ და პარლამენტის სპიკერის სავარძელში ჩაჯდომამ საზოგადოების მწვავე რეაქცია გამოიწვია.
სერგეი გავრილოვი – იმედი გვაქვს, რომ საქართველოს მთავრობის მეთაურს ეყოფა სიმამაცე, გავიდეს გულახდილ მოლაპარაკებაზე რუსეთთან
2019/09/03 13:05:02
ნანახია: 408 ჯერ