საქართველოს პარლამენტის შენობის წინ მოძრაობა „სირცხვილიას“ საპროტესტო აქცია განახლდა. აქციაზე არიან ოპოზიციის წარმომადგენლები, მათ შორის „ევროპული საქართველოდან“ და „ნაციონალური მოძრაობიდან“. აქციის მონაწილეების განცხადებით, დღეს 77-ე დღეა რაც 20 ივნისის მოვლენებს აპროტესტებენ.
მათი განცხადებით, მანამდე არ დაიშლებიან ვიდრე ხელისუფლება პრემიერმინისტრის პოსტზე გიორგი გახარიას კანდიდატურას არ შეცვლის.
პრემიერმინისტრის პოსტზე გიორგი გახარიას კანდიდატურა 3 სექტემბერს, პოლიტსაბჭოს სხდომის დასრულების შემდეგ პარტიის თავმჯდომარემ ბიძინა ივანიშვილმა წარადგინა. საქართველოს შინაგან საქმეთა მინისტრად ვახტანგ გომელაური, თავდაცვის მინისტრად კი ირაკლი ღარიბაშვილი არიან წარდგენილი.
გიორგი გახარიას გადადგომის მოთხოვნით რამდენიმე თვის მანძილზე მოსახლეობის ნაწილი რუსთაველის გამზირზე საპროტესტო აქციებს მართავდა.
imedinews.ge