პარლამენტის ვიცე-სპიკერის გია ვოლსკის შეფასებით, ახალგაზრდებისთვის საჭიროა მოტივაციის შექმნა, რათა სამშობლოს დასაცავად დადგნენ და არ გაიქცნენ სადღაც სექტაში.
ამის შესახებ ვოლსკიმ პარლამენტში კომიტეტების გაერთიანებულ სხდომაზე მინისტრობის კანდიდატების მოსმენის დროს განაცხადა.
„ჯარში გაწვევის თემასთან დაკავშირებით პროგრამა ჩამოსაყალიბებელია, იმიტომ რომ ახალგაზრდები წავიდნენ და იმ პოზიციაზე დადგნენ, რასაც სამშობლოს სიყვარულის გამოხატულება ჰქვია, მათ მეტი მოტივაცია უნდა ჰქონდეთ და სადღაც სექტაში არ გაიქცნენ.
აგრეთვე უნდა ჰქონდეთ მოტივაცია იმისა, რომ ჯარი აძლევთ იმ განათლებას, უნარ-ჩვევებს, რომლებიც შემდეგ მთელი ცხოვრების მანძილზე გამოადგებათ. საჭიროა სწორის მესიჯი საზოგადოებისთვის, რასაკვირველია, ამას სწორი საქმიანობა უნდა მოჰყვეს.
პარლამენტისა და თავდაცვის სამინისტროს ერთობლივი მუშაობა ამ მიმართულებით ჩამოაყალიბებს იმას, რასაც საქმიანი მიდგომა ჰქვია, რაც არ უნდა პოლიტიკურად შევფუთოთ ოპოზიციური და მხარდამჭერი პლატფორმებიდან“,-აღნიშნა ვოლსკიმ.
“ახალგაზრდებს მოტივაცია უნდა ჰქონდეთ დადგნენ სამშობლოს დასაცავად და არა რაღაც სექტაში გაიქცნენ”
2019/09/05 13:43:19
ნანახია: 505 ჯერ