“მთავარი პრობლემა არის ოკუპაცია, რომელსაც უნდა დავუპირისპირდეთ დემოკრატიული ინსტიტუტების გაძლიერებით”

თავდაცვისა და უშიშროების კომიტეტის თავმჯდომარემ ირაკლი სესიაშვილმა კომიტეტების გაერთიანებული სხდომის დასრულების შემდეგ კომენტარი გააკეთა. როგორც მან განაცხადა, ჩვენს ქვეყანას სწრაფი და ეფექტური განვითარება სჭირდება.
„ჩვენ დღეს მოვუსმინეთ მინისტრობის კანდიდატებს თეა წულუკიანს, ქეთევან ციხელაშვილს, ვახტანგ გომელაურს და ირაკლი ღარიბაშვილს. მე თითოეულ მათგანს ვიცნობ როგორც საქმეში, ასევე კრიზისში, პრინციპული პოზიციების გადაწყვეტისას და რეფორმებში. ჩემთვის მათი საქმიანობა და გეგმები უცხო არ ყოფილა. ჩვენ გავეცანით საერთო სამთავრობო პროგრამას. რა თქმა უნდა, ჩვენ ვართ ამბიციურ რეფორმებზე და პერსპექტივებზე ორიენტირებულნი, ჩვენ ქვეყანას სჭირდება ძალიან სწრაფი და ეფექტური განვითარება. მთავარი პრობლემა არის ოკუპაცია, რომელსაც უნდა დავუპირისპირდეთ დემოკრატიული ინსტიტუტების გაძლიერებით, ჩვენი ევროპული და ევროატლანტიკური არჩევანით და ამ არჩევანის რეალიზაციით, ეკონომიკის გაძლიერებით და ამ ყველაფრის საწინდარი უნდა იყოს ჩვენი ქვეყნის და ჩვენი მოქალაქეების უსაფრთხოება. აქ ჩვენ გვაქვს ერთიანი პოზიციები და მთავრობისთვის ნდობის გამოცხადების შემდეგ მოგვიწევს ერთად ძალიან ბევრი მუშაობა”, – განაცხადა ირაკლი სესიაშვილმა.