ვფიქრობ, შეთავაზება გიგი უგულავას საქმის შესახებ მისიის შექმნაზე, მართლაც წინგადადგმული ნაბიჯია. კარგია, თუ მოხერხდება მისიის შექმნა, მაგრამ ასევე საინტერესოა, რატომ ხდება მხოლოდ ამ საქმეზე, როდესაც სხვა მსგავსი საქმეებიც არსებობს, – ამის შესახებ „ქრონიკას“ ევროპარლამენტარმა მარკეტა გრეგოროვამ განუცხადა.
მისი თქმით, უცნაურია, როდესაც რომელიმე საქმის გამორჩევა ხდება, მაგრამ ცალსახად ეს ძალიან კარგია და წინგადადგმული ნაბიჯია.
„ოპოზიციასა და მმართველ პარტიას შორის მოლაპარაკებები უნდა განახლდეს. ეს ერთადერთი გზაა. საგარეო ურთიერთობათა კომიტიტზე ბრიუსელში გაკეთებული განცხადების შემდეგ, მე მივიღე კახა კუჭავასგან მასალები. დოკუმენტები გუშინ მივიღე და რა თქმა უნდა, აუცილებლად გავეცნობი. ამ დრომდე იმ ინფორმაციის თანახმად, რაც მაქვს საქართველოში, არიან პოლიტიკური პატიმრები“. – აცხადებს ევროპარლამენტარი, მარკეტა გრეგოროვა.
„ქართული ოცნების“ წარმომადგენლებმა ევროპარალამენტს გიგი უგულავას საქმეზე ფაქტების შემსწავლელი კომისიის შექმნა შესთავაზეს.