იმპორტდამოკიდებული ეკონომიკის პირობებში, ექსპორტზე ორიენტირებული წარმოების გაჩერება დაუშვებელია“, -აცხადებს „საქართველოს მეწარმეთა კავშირის“ დამფუძნებელი გოგა ციცქიშვილი.
მისი თქმით, ექსპორტზე ორიენტირებული ისეთი საწარმოების შეუფერხებელი მუშაობა, როგორიც „ჯორჯიან მანგანეზი“ და სხვა წიაღის მოპოვება- გადამუშავებაზე ორიენტირებული კომპანიებია, მნიშვნელოვნად განსაზღვრავენ ეროვნული ვალუტის, ლარის სტაბილურობას. ციცქიშვილის განმარტებით, ლარის სტაბილურობის გარდა გადამწყვეტი მნიშვნელობა აქვს სამუშაო ადგილების შენარჩუნებას, განსაკუთრებით ისეთ მსხვილ კომპანიებში, როგორებიც „ჯორჯიან მანგანეზი“, „საქნახშირი“, RMG Gold-ი და სხვა მწარმოებლები არიან.
„უმუშევართა რაოდენობის ზრდა განსაკუთრებით არსებულ ვითარებაში დაუშვებელია. ამავდროულად კომპანიებმა სამუშაო ადგილებზე უნდა უზრუნველყონ უსაფრთხოება, ისე, როგორც ამას ჯანმო და საქართველოს ჯანდაცვის სამინისტრო ითხოვს. მე როგორც ვიცი ეს ასეცაა, ნორმები დაცულია ,შესაბამისად, ამაზე მეტს საწარმო ფიზიკურად ვერ გააკეთებს“,- აცხადებს ციცქიშვილი.
როგორც ცნობილია, მთავრობა უკვე მუშაობს იმ კომპანიების სიაზე, რომლებმაც კორონავირუსის პირობებში შეუფერხებლად უნდა იმუშაონ.
„გარკვეული დადგენილი წესების დაცვით, შეუფერხებლად გააგრძელებენ ფუნქციონირებას ის საწარმოები, რომლებიც დაკავშირებულია კრიტიკულ ინფრასტურქტურასთან – ეს არის ენერგეტიკა, წყალმომარაგება, გაზით მომარაგება, გააგრძელებენ მუშაობას სამრეწველო საწარმოებიც, მათ შორის წიაღის მოპოვება-გადამუშავებასთან დაკავშირებული კომპანიები, ასევე სოფლის მეურნეობის პროდუქციის წარმოება-გადამუშავებასთან დაკავშირებული საწარმოები“ – განაცხადა ეკონომიკის მინისტრმა ნათია თურნავამ.