კვლავ მძიმეა ლიფტში ჩავარდნილი მამაკაცის მდგომარეობა. მას ამ წუთებში მეორე ოპერაცია უტარდება. ამჯერად, დაზარალებულს ნეიროქირურგიული ჩარევა დასჭირდა. 48 წლამდე მამაკაცს წვივის, მხრის და წელის ძვლები ჰქონდა მოტეხილი.
შედარებით მსუბუქი დაზიანებები აქვს 34 წლის ქალს. ი, სამედიცინო დახმარების მიღების შემდეგ, კავკასიის მედიცინის ცენტრიდან დილით გაეწერა და სახლში მკურნალობს.
სტაბილურია იაშვილის ბავშვთა საავადმყოფოში მოთავსებული არასრულწლოვანის მდგომარეობაც. მოზარდს უკვე ჩაუტარდა კვლევები. მას დაზიანებული ჰქონდა სახსრები და უჭირდა გადაადგილება. მოზარდს, სავარაუდოდ, 24 საათში გაწერენ.
“მოხდა სრული დიაგნოსტიკა ქალბატონის, ჭრილობების დამუშავება, დასტაბილურება და დღეს დილით ქალბატონი შესაბამისი დანიშნულებით გაწერილ იქნა ბინაზე.
პაციენტი 48 წლის მამაკაცი, რომელიც შემოყვანილ იქნა კლინიკაში მხრის ძვლის, წვივის ძვლების და წელის მალის მოტეხილობით, გუშინ ღამე ჩაუტარდა ტრავმატოლოგიური ჩარევა, დღეს უკვე შეყვანილ იქნა ნეიროქირურგიულ ჩარევაზე. მოხდება მისი წელის მე-4 მალის ფიქსაცია,” – აცხადებს “ემერჯენსის” ექიმი ნინო ჯავახაძე.