პარლამენტის ვიცე-სპიკერი, მამუკა მდინარაძე ტელეკომპანია „იმედის“ გადაცემა „შაბათის ქრონიკაში“ ჟურნალისტ გიორგი გაბუნიას მიმართ, შესაძლო თავდასხმის შესახებ გავრცელებულ ინფორმაციას გამოეხმაურა.
„ქართული „ნოუ ჰაუა“, როდესაც გამოძიების დეტალებზე პოლიტიკოსები საუბრობენ ვერსიების დონეზე. სახელმწიფო უსაფრთხოების სამსახურს დღემდე არ უთქვამს ეს ეხებოდა თუ არა გაბუნიას. მსგავსი რამ რომ მომხდარიყო, პირველ რიგში ვის დაადებდნენ ხელს? პირველ რიგში ვინ გამოვარდებოდა ქუჩაში, პირველ რიგში ვინ მოიცლიდა.
დესტაბილიზაციისთვის და რა მოწოდებები იქნებოდა მე ამაზე პასუხს არ გავცემ. ამ კითხვებს პასუხი მოსახლეობამ გასცეს და აქედან გამომდინარე რა შედეგი დადგებოდა საზოგადოებამ განსაჯოს. ამ ქვეყანაში არეულობა აწყობს ორ ვიღაცას. ერთი ოკუპანტ რუსეთს და მეორე იმ პოლიტიკურ ძალებს, რომელთაც აქვთ დაბალი პოლიტიკური რეიტინგი ხელისუფლების ხელში ჩაგდების სხვა შანსი გარდა დესტაბილიზაციისა არ გააჩნიათ. ვინ არის ასეთი პოლიტიკური ძალა ამაზე არ ვისაუბრებ“, – ამის შესახებ პარლამენტის თავმჯდომარის მოადგილემ, მამუკა მდინარაძემ ტვ „იმედის“ ეთერში განაცხადა.