სრულად პროპორციული სისტემის მომხრეები ვიყავით, თუმცა აღარ გავჭედეთ, იმიტომ რომ არ გვინდა ჩვენ კრიზისი. ჩვენ გვინდა არჩევნები ჩატარდეს თავისუფალ გარემოში, ჩატარდეს დემოკრატიული არჩევნები და არჩევნების გზით შეიცვალოს ხელისფულება, – ასე იხსენებს ირმა ინაშვილი 8 მარტის შეთანხმებაზე თანხმობას.
როგორც „პატრიოტთა ალიანსის“ ერთ-ერთი ლიდერი აღნიშნავს, მისთვის მთავარი ამ მოლაპარაკებების პროცესში საარჩევნო სისტემაში ცვლილებები იყო და სწორედ ამიტომ, მან ხელი მხოლოდ ერთ დოკუმენტს მოაწერა.
„თუმცა ბოლო შეხვედრაზე, როდესაც რაუნდი მთავრდებოდა, ორი დოკუმენტი იყო წარმოდგენილი. იმ მეორეს დოკუმენტსაც ვერ ვუწოდებდი, იმიტომ რომ ის იყო უბრალოდ პარტიების განცხადება“, – ამბობს ინაშვილი.
კომენტარები