საქართველოს პრემიერ-მინისტრმა გიორგი გახარიამ პარლამენტში ოპოზიციის წარმომადგენლებს ემოციების მოთოკვა ურჩია.
გახარიას თქმით, საჭიროა ეფექტიანი ოპონირება და არა ისტერიკა.
„პრობლემა რა არის იცით, კითხვის ნორმალურად დასმა უნდა ისწავლოთ და ცოტა ემოციები მოთოკოთ. პრობლემა არ არის, გეუბნებით, აგერ ვარ. აგერ, ხალხი კინაღამ შარვლებიდან ამოხტა, ნერვიულობთ. საერთოდ, იცით, პრობლემა რა არის? გულწრფელად გეუბნებით, ბოლო-ბოლო ისეთი შთაბეჭდილება მრჩება, ჩვენი ოპოზიცია ინსტიქტებით მართული ხდებით და ამ ინსტიქტებს მიყავხართ ისტერიკამდე. გაუფრთხილდით ცოტა თავს, კაცო, ვზრუნავ მე თქვენზე, მართლა გეუბნებით.
ჩვენ ძალიან გვჭირდება ეფექტური ოპოზიცია და ოპონირება, ისტერიკა კი არ გვჭირდება, გვჭირდება ნორმალური, არა ინსტიქტებით, ობიექტურად და გონივრულად მართული, ასე კი არა ყვირილით – მატყუარა ხარ. თქვენ გგონიათ, მე მაგით შეურაცხყოფას მომაყენებთ? ივარჯიშეთ, ივარჯიშეთ, ეტყობა ის ერთი დღე არ გეყოთ“, – მიმართა გახარიამ ოპოზიციას.