რა მოხდა მცხეთაში: ,,იმედის კვირამ“ 19 წლის ფეხბურთელის გიორგი შაქარაშვილის გაუჩინარების და დაღუპვის შესახებ ექსკლუზიური მასალები მოიპოვა.
გიორგი შაქარაშვილთან ერთად 18 ივნისს, ნაქირავებ აგარაკზე მეგობრის დაბადების დღეს 50-მდე ახალგაზრდა აღნიშნავდა, მათ შორის იყვნენ არასრულწლოვნებიც. უმრავლესობა ნასვამი იყო , როგორც შემდეგ გაირკვა, ზოგმა მარიხუანაც მოწია.
პირველი ჩხუბი წვეულებაზე ღამის 10-დან – 11 საათის შუალედში ხდება. მიზეზი მუსიკაა, ნასვამი ახალგაზრდების ერთ ჯგუფს დიჯეი არ მოსწონს, ერთმანეთს ჯერ სიტყვიერ შეურაცხოფას აყენებენ, შემდეგ კი-ფიზიკურს. მეორე ჩხუბი მცხეთაში ნაქირავებ აგარაკზე ღამის 11 ზე იწყება. თვითმხილველების ცნობით, გიორგი შაქარაშვილი არც ამ ინციდენტში მონაწილეობდა.
დღეს გიორგი შაქარაშვილის საქმეზე ბრალდებულ 17-ვე პირს აღკვეთის სახით პატიმრობა შეეფარდა. პროცესი დახურულ რეჟიმში მიმდინარეობდა, რადგან საქმეში ექვსი ბრალდებული არასრულწლოვანია.