ხელისუფლების პასუხისმგებლობაა, გამოძიება, რომელიც ნიკა გვარამიასა და პაატა ბურჭულაძის სატელეფონო საუბრის მოსმენისა და გავრცელების ფაქტზე დაიწყო, ობიექტურად წარიმართოს და ბრალეული პირი დაადგინოს, – ამის შესახებ პარლამენტის პირველმა ვიცე-სპიკერმა მანანა კობახიძემ განაცხადა.
კობახიძე არ იზიარებს ოპონენტების შეფასებებს, რომელიც მოსმენებთან დაკავშირებით ხელისუფლების მისამართით კეთდება.
”მათი ამოცანაა ყველაფერი ხელისუფლებას დააბრალონ და ხელი ”ქართული ოცნებისკენ” გაიშვირონ. გამოძიება არის იმისთვის, დაადგინოს ვინ ჩაიწერა და შემდეგ ატვირთა. რა თქმა უნდა, საუბრის მონაწილე მხარეს შეუძლია ეს გააკეთოს, ისევე როგორც თანამედროვე ტექნოლოგიების პირობებში არსებობს შესაძლებობა, რომლითაც ასეთი ტიპის ჩაწერები ხორციელდება. ხელისუფლების პასუხისმგებლობაა გამოძიება წარიმართოს ობიექტურად და ბრალეული პირი დაადგინოს”, – განუცხადა ჟურნალისტებს მანანა კობახიძემ.