ოპოზიციის დაშლა ბუნებრივია, ამას ჩვენ არაერთხელ ვამბობდით, მაგრამ ეს სახელმწიფოსთვის ცუდი იქნება, რადგან ქვეყანას ჯანსაღი ოპოზიცია სჭირდება, – ამის შესახებ საპარლამენტო უმრავლესობის წევრმა, გურამ მაჭარაშვილმა „მაესტროს“ ეთერში განაცხადა.
„ ჩვენ გვინდა რომ არსებობდეს ჯანსაღი ოპოზიცია, მაგრამ ამის საშუალებას როგორც ხელისუფლებაში ყოფნის დროს, სამწუხაროდ დღესაც მიხეილ სააკაშვილი არავის აძლევს. დარწმუნებული ვარ ქართული საზოგადოება ამ ფონზე, რაც დღეს პოლიტიკურ სპექტრში ხდება ისევ და ისევ გონივრულ გადაწყვეტილებას „ქართული ოცნების“ სასარგებლოდ მიიღებს“, – განაცხადა გურამ მაჭარაშვილმა.
საქართველოს ყოფილმა პრეზიდენტმა და უკრაინის რეფორმების აღმასრულებელი კომიტეტის თავმჯდომარემ, მიხეილ სააკაშვილმა „სტრატეგია აღმაშენებლის“ ლიდერი გიორგი ვაშაძე „ძალა ერთობაშიას“ დატოვების გადაწყვეტილების გამო გააკრიტიკა და განაცხადა, რომ გიორგი ვაშაძე ბნელ მხარეზე გადავიდა.