საქართველოს თავდაცვის სამინისტროსა და საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის გადაწყვეტილებით, სამხედრო პირების ოჯახის წევრები უფასოდ ისწავლიან.
ხოლო სახელმწიფო გრანტის მოპოვების შემთხვევაში, უნივერსიტეტის სტუდენტები სტიპენდიას მიიღებენ.
ამ ინფორმაციას საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტი ავრცელებს.
„მნიშვნელოვანი სიახლე – სამხედროების ოჯახის წევრები #SANGU-ში უფასოდ ისწავლიან!
#SANGU-სა და საქართველოს თავდაცვის სამინისტროს შორის ურთიერთთანამშრომლობის მემორანდუმი გაფორმდა.
თანამშრომლობის ფარგლებში სამხედრო პირის ოჯახის წევრები (მეუღლე და შვილი) ისარგებლებენ სპეციალური შეთავაზებით:
სწავლის წლიური საფასურის 50% დაიფარება უნივერსიტეტის მხრიდან, ხოლო დარჩენილ 50% დაფარავს თავდაცვის სამინისტრო.
100%-იანი დაფინანსების მოპოვების შემთხვევაში უნივერსიტეტი სტუდენტს დაუნიშნავს 125 ლარიან ყოველთვიურ სტიპენდიას.
ფინანსური მხარდაჭერა ყოველ მომდევნო სემესტრშიც გაგრძელდება, თუ აკადემიური მოსწრების მაჩვენებელი წინა სემესტრში, თითოეულ სასწავლო კურსში არ იქნება ნაკლები 81 ქულაზე.” – ნათქვამია უნივერსიტეტის განცხადებაში.