“ნინო ბურჯანაძე – დემოკრატიული მოძრაობის“ ლიდერმა ხაშურის მოსახლეობას მაჟორიტარობის კანდიდატი გია ბერიძე წარუდგინა.
ამის შესახებ „ინტერპრესნიუსს“ პარტიის პრესსამსახურიდან აცნობეს. ნინო ბურჯანაძის განცხადებით, ქვეყანა არის ძალიან მძიმე სისტემურ კრიზისში, რასაც სჭირდება სერიოზული გარდატეხა და პროფესიონალის ხელი.
,,გია ბერიძე არის ნიმუში იმისა, როგორ არ გატყდა ადამიანი მიუხედავად სერიოზული პრობლემისა, რომელიც მას მხედველობასთან დაკავშირებით აქვს. ის იბრძვის იმისათვის, რომ სხვა ადამიანებსაც დაეხმაროს და აქაც ძალიან ბევრმა ადამიანმა თქვა იმის თაობაზე, რომ ის უამრავ ადამიანს ეხმარება. ხაშურელებს სჯერათ იმისა, რომ ბატონი გია პარლამენტში ყოფნის შემდეგად კიდევ უფრო გაააქტიურებს თავის ძალისხმევას და კიდევ უფრო მეტ ადამიანს დაეხმარება. რაც შეეხება შეხვედრას, როგორც ყველა ქალაქში შესვლისას, მე გადავხედე პრობლემებს და შემაწუხა იმან, რომ მთელი ჩამონათვალი იყო პრობლემებისა, თუ რა არ მოგვარდა ხაშურში. მე ხალხს ვკითხე და ვერცერთი გადაჭრილი პრობლემა ვერ დამისახელეს. ვფიქრობ, რომ ქვეყანას რეალური გარდატეხა სჭირდება“, – განაცხადა ბურჯანაძემ.