რაც შეეხება უმუშევრობას, ნებისმიერი სტატისტიკის მიხედვით, რაც რა თქმა უნდა ჩვენს გაჭირვებას დიდად არ დაეტყო, მაგრამ 60 000 ახალი სამუშაო ადგილი შეიქმნა,- განაცხადა ბიძინა ივანიშვილმა ჟურნალისტის კითხვის საპასუხოდ, რომელმაც აღნიშნა, რომ მოსახლეობაში ბევრი იმედგაცრუებულია და კონკრეტულად ლაგოდეხში უმუშევართა რაოდენობა გაიზარდა.
ყოფილი პრემიერ-მინისტრის განცხადებით, სამი წლის განმავლობაში სახელმწიფო ხარჯები სამას მილიონ ლარზე მეტით შემცირდა.
„დღეს პირველად მოგცემთ ამ ციფრებს: 2010-დან 2012 წლამდე და ვადარებნთ 2013-15 წლებს, სამი წლის განმავლობაში, სახელმწიფო ხარჯები, მთლიანად რაც შედის – საჯარო მოხელეები, სამინისტროები, ყველას შენახვა, ამაში შედის თავდაცვის სამინისტროც, შსს, უსაფრთხოება, სასამართლო და ასე შემდეგ სამას რაღაც მილიონით შემცირდა სამი წლის განმავლობაში. ეკონომია არის, ნაკლებია 2013-დან 15-მდე, ვიდრე 2010-დან 12-მდე, მაგრამ ეს არაა მთავარი. ეხლა რომ გამოვაკლოთ ამას ყველაფერს სამართალდამცავი სისტემები, ისევ თავდაცვა, პროკურატურა, შსს, სადაც ხელფასები გაიზარდა, სასამართლო, სადაც ასევე ხელფასები გაიზარდა და წმინდა ბიუროკრატია ავიღოთ, აი, სამინისტროები და მთავრობა პირველ რიგში, 760 მილიონით ნაკლები დაიხარჯა სამ ეს ფული ნაწილდება სწორედ სოციალურ დანახარჯებზე, ეს ფული ნაწილდება ჯანდაცვაზე, რაც ხმარდებოდა გაუგებრობას „ნაციონალური მოძრაობის“ მმართველობის დროს. ამ დროს, ბიუჯეტი მნიშვნელოვნად გაიზარდა. თუ ბიუჯეტი იზრდება, როგორც წესი, ხარჯები უნდა გაიზარდოს ბიუროკრატიაზეც. რომ შეადაროთ, 2015 წლის ხარჯები ბევრად დაბალია ვიდრე 2012 წლის. ამ დროს ნახეთ და გაიხსენეთ, როგორი აჟიოტაჟი იყო პრემიებზე, რომ აი ძარცვავს ლამის ახალი ხელისუფლება, ამ დროს სახელისუფლებო სტრუქტურებში ბიუროკრატია შემცირდა 17 თუ 18 000-ით და ამ ფონზე 60 000-ით მეტი ახალი სამუშაო ადგილი გაჩნდა. ეს არის რეალობა და სტატისტიკა”,- აღნიშნა ბიძინა ივანშვილმა გადაცემაში „შეხვედრები რეგიონულ მედიასთან“.
მისივე თქმით, მაკროეკონომიკური მაჩვენებლებით საქართველო ბევრ ევროპულ ქვეყანას უსწრებს. „დღეს მსოფლიო რეიტინგში მაკროეკონომიკურ გარემოსთან დაკავშირებით , საქართველო უსწრებს ბელგიას, ირლანდიას, საფრანგეთს, იტალიას, ესპანეთს”,- აღნიშნა ყოფილმა პრემიერმა.