ნუ დავაკვირდებით ამ არჩევნებს, დროსა და სივრცეში შევხედოთ რაზე იდგა „ნაციონალური მოძრაობა“ – ტყუილზე, პიარზე და ძალაზე, – ამის შესახებ თავდაცვისა და უშიშროების კომიტეტის თავმჯდომარემ, ირაკლი სესიაშვილმა „POSTV“-ის ეთერში განაცხადა.
„ძალაუფლება, სახელმწიფო მანქანები გამოვაცალეთ, პიარის სრული დეგრადაცია მოხდა, რადგან მედია ოკუპირებული ჰყავდათ, რომელიც იძულებული იყო ეჩვენებინა მიშა როგორი მაგარია. ახლა დარჩათ მხოლოდ ტყუილები და ახლა ტყუილების „პალასაზე“ სხედან თავიდან ბოლომდე.
ქართულ საზოგადოებას სიმართლე უყვარს, ეს ძალიან ბევრმა ვერ ისწავლა. კორონავირუსის პირველი ტალღა რომ იყო, ჩვენი მთავრობა ძალიან სწორად მოიქცა, რადგან მას სწორი კომუნიკაცია ჰქონდა საზოგადოებასთან, პირდაპირი, ყოველდღიური დიალოგი მიდიოდა საზოგადოებასთან და საზოგადოებამ დაინახა, რომ არის მთავრობა, რომელთანაც არის პირდაპირი კავშირი. გვიხსნის, გველაპარაკება, მოგიწოდებს, გთხოვს და ასე ერთად მოვახერხეთ, რომ კარგი ვითარება შევინარჩუნეთ“, – განაცხადა ირაკლი სესიაშვილმა.
„სააკაშვილის მმართველობის დროს მძიმე კრიზისები იყო და ამ კრიზისებში გაიხსენეთ როგორ მოქმედებდნენ, ერთადერთი მოქმედება იყო პიარი, რაც ვერ გამოუვიდოდათ იმის შეფუთვა. დღეს კი საზოგადოებამ დაინახა, რომ მშვიდობა, უსაფრთხო გარემო აქვთ, ადამიანი ორიენტირებულია განვითარებაზე და კეთილდღეობაზე და ისიც დაინახა, რომ კრიზისების დროს სახელმწიფო მოქმედებს, ქვეყანაა შემდგარი, რომელსაც კრიზისზე სწორი რეაგირება აქვს“, – განაცხადა ირაკლი სესიაშვილმა.