საპარლამენტო უმრავლესობის ლიდერმა, მამუკა მდინარაძემ ოპოზიციური პარტიების მიერ მართლმსაჯულების სისტემაზე შეთანხმების გაფორმება შეაფასა.
მდინარაძის თქმით, ოპოზიციას გამარჯვების შანსები არ აქვს.
„ახლა სახლობანას თამაში დაიწყეს. ამ სახლობანასი ვისაც სჯერა, მათ დარწმუნებას ცდილობენ, თითქოს რაღაც შანსები აქვთ, რაც გამორიცხულია. მათივე კვლევებითაც კი მსგავსი შანსები არ უჩნდებათ. სახლობანას თამაში რაც არ უნდა დაიწყონ და იმის ჩამოწერა, ვინ პრემიერი იქნება, ვინ სუს-ს გააუქმებს და ვინ სასამართლო სისტემას, ეს ისეთ ნათამაშებად დარჩება, როგორც აქამდე თამაშობდნენ. ძალიან არასერიოზულია, როდესაც ეს ხალხი, რომელმაც საკუთარი რეიტინგი კარგად იცის, ასეთ მემორანდუმებს აფორმებს“, – განაცხადა მამუკა მდინარაძემ.
კომენტარები