კახა კახიშვილი კოალიციური მთავრობის ალბათობას არ უშვებს. ამის შესახებ ისანში „ქართული ოცნების“ მაჟორიტარი დეპუტატობის კანდიდატმა გადაცემაში „ქრონიკა“ განაცხადა.
მისი თქმით, კოალიციური მთავრობის შედეგად არც ერთი ქვეყანა არ დანგრეულა და საქართველოსაც ახსოვს კოჰაბიტაციის პერიოდი.
„შვეიცარიის მსგავსი მყარი დემოკრატიის ქვეყანა არ ვართ. ჩვენ ვართ შენების პროცესში, ჩვენთვის მთავარია სწრაფი, დროული, ეფექტური გადაწყვეტილებები. გვახსოვს, 2012 წლის საპარლამენტო არჩვნების შემდეგ, კოჰაბიტაციის პერიოდიც იყო და ესეც გადაიტანა საქართველომ. ამიტომ, წინასწარ რომ არ ვილაპარაკოთ, რა და როგორ იქნება, ამ ეტაპზე, კოალიციური მთავრობის შექმნის მოლოდინი არ მაქვს“, – აღნიშნა კახა კახიშვილმა.
საქართველოში საპარლამენტო არჩევნები 31 ოქტომბერს ჩატარდება.
კომენტარები