ლევან იზორია: დესტაბილიზაციისკენ მიმართული ყველა მცდელობა ჩაიხშობა

საქართველოს თავდაცვის მინისტრმა, ლევან იზორიამ გუშინ „თავისუფალი ზონის“ მიერ გავრცელებულ ინფორმაციას იმის შესახებ, რომ საქართველოს ყოფილი პრეზიდენტი მიხეილ სააკაშვილი არჩევნების შემდეგ დესტაბილიზაციას გეგმავს, გამოეხმაურა და განაცხადა:.
დესტაბილიზაციისკენ მიმართული ყველა მცდელობა ჩაიხშობა.
„დემოკრატიის ერთ-ერთი მნიშვნელოვანი პროცესი ის არის, რომ მხოლოდ ხალხი და მისი უმრავლესობა განსაზღვრავს, თუ ვის ეკუთვნის კონკრეტულ ეტაპზე ხელისუფლება. ამას არც სააკაშვილი განსაზღვრავს და არც სხვა ვინმე პიროვნება, ამას ქართველი ხალხი განსაზღვრავს. ყველანაირი მცდელობა, თუ გინდ მოლოდინების გაჩენისა, რომელიც მიმართული იქნება ამ სტაბილური სიტუაციის არევისკენ, იქნება ჩახშობილი“, – განაცხადა ლევან იზორიამ.
როგორც მინისტრმა აღნიშნა, კომპეტენტური ორგანოები ფლობენ ყველანაირ ინფორმაციას და ყველაფერს აკეთებენ, რომ საფრთხე თავიდან იქნეს აცილებული.