რაში გადაუხადა 800 ათასი ლარი სააკაშვილმა ნათელაშვილს ?

“ლეიბორისტული პარტიის” ყოფილი წევრი ნუგზარ ერგემლიძე აცხადებს, რომ მისი პარტიის სიაში ჩასმის სანაცვლოდ შალვა ნათელაშვილმა ფული მიხეილ სააკაშვილის ხელისუფლებისგან აიღო.
ერგემლიძის მტკიცებით, “ლეიბორისტული პარტიის” ლიდერმა შალვა ნათელაშვილმა პარტიულ სიაში მისთვის ადგილის დასამკვიდრებლად დიდი თანხა აიღო. მისივე თქმით, მიხეილ სააკაშვილის ხელისუფლებას შალვა ნათელაშვილი 800 ათასი ლარის სანაცვლოდ გაურიგდა.
ასევე, ერგემლიძის ინფორმაციით, “ლეიბორისტულ პარტიაზე“ განაწყენდა გოდერძი ჩოხელიც, რომელიც თავდაპირველად სიის პირველი ნომერი უნდა ყოფილიყო, თუმცა მოგვიანებით აღმოჩნდა, რომ სიაში საერთოდ არ იყო.
“ჩემს ზურგს უკან მოხდა გარიგება. რა თქმა უნდა, ეს ძალიან ცუდია ადამიანებისთვის. მე არ მომწონდა ეს. მართლაც მოხდა გარიგება მიხეილ სააკაშვილსა და შალვა ნათელაშვილს შორის. ეს ხალხი ყველა ნაწყენი დარჩა, მათ შორის გოდერძი ჩოხელიც, რომელიც თუ არ ვცდები, სიის პირველი ნომერი იყო და შემდეგ ახალ სიაში საერთოდ არ შეიყვანა”,-განაცხადა ერგემლიძემ.