ლეონიდ ჩერნოვეცკი სოფელ ლეღვას მაცხოვრებლებს შეხვდა

ქობულეთის რაიონის მაჟორიტარი დეპუტატობის დამოუკიდებელი კანდიდატი საქართველოს პარლამენტში ლეონიდ ჩერნოვეცკი სოფელ ლეღვას მაცხოვრებლებს შეხვდა.
ჩერნოვეცკიმ ამომრჩევლებს პირადად გააცნო ის წინასაარჩევნო პროგრამა, რომელიც მას როგორც მაჟორიტარობის კანდიდატს შემუშავებული აქვს. მან იმ თავის ინიციატივებზე ისაუბრა, რომელიც ქობულეთის რაიონის მაცხოვრებლების და მთლიანად ქვეყნის ეკონომიკური პირობების გაუმჯობესებას ემსახურება.
ჩერნოვეცკის განცხადებით, მას 5 მნიშვნელოვანი ინიციატივა აქვს, მათ შორის, ონლაინკრედიტების აკრძალვა,შავ ზღვაში თურქული სეინერების საქმიანობის აკრძალვა, ერთადერთი საცხოვრებლის უზრუნველყოფით კრედიტის გაცემის აკრძალვა, სასოფლო–სამეურნეო მიწების გლეხებისთვის საკუთრებაში გადაცემა და სხვა.
ლეონიდ ჩერნოვეცკი დარწმუნებულია, რომ თავისი ინიციატივებიდან გამომდინარე, ამომრჩევლების მხარდაჭერის მოპოვება და არჩევნებში გამარჯვება არ გაუჭირდება. ლეღვაში მასთან შეხვედრას დაახლოებით ათასამდე ადამიანი დაესწრო. მსგავსი სახის შეხვედრებს ის მუნიციპალიტეტის სხვა სოფლებშიც ჩაატარებს.
ჩერნოვეცკი უკრაინულ პოლიტიკაში ოცი წლის განმავლობაში მოღვაწეობდა, სამჯერ იყო უკრაინის რადის დეპუტატი, ხოლო ორჯერ კიევის მერი.