იურისტი პაპუნა უგრეხელიძე სახალხო დამცველ ნინო ლომჯარიას განცხადებას ეხმიანება, რომელშიც ომბუდსმენი პოლიციის მიერ დემონსტრანტების წინააღმდეგ არაპროპორციული ძალის გამოყენებაზე საუბრობს.
უგრეხელიძის თქმით, სისხლის სამართლის კოდექსის 222-ე მუხლის მიხედვით, განსაკუთრებული მნიშვნელობის ობიექტის ხელში ჩაგდება ან მუშაობის შეფერხება კანონით ისჯება.
„იმედია, ჩვენგან არ უნდა გესწავლებოდეს მეტრო, რომ ცენტრალური საარჩევნო კომისიის ნორმალური ფუნქციონირება გაგანია ხმის დათვლის პროცესში ის საჯარო სიკეთეა, რომელიც ყველა პარტიულ ვიწრო თუ უფრო ფართო ინტერესზე მაღლა უნდა დავაყენოთ თქვენი თამადობით ყველამ, მეტადრე, თუკი კანონმდებლობა, რომლის დასაცავადაც სწორედ თქვენ არსებობთ, ამბობს რომ: მართლწესრიგის მასობრივი დარღვევის აღსაკვეთად სახელმწიფო ან საზოგადოებრივ ობიექტზე ჯგუფური თავდასხმის მოსაგერიებლად სახელმწიფო უფლებამოსილია გამოიყენოს წყალსატყორცნი, ჯავშანმანქანა და სხვა სპეციალური საშუალებები.
და რას იტყვის ადამიანის უფლებათა მეტრი სისხლის სამართლის კოდექსის ამ მუხლზე?
დანაშაული საზოგადოებრივი უშიშროებისა და წესრიგის წინააღმდეგ მუხლი 222. ტელერადიომაუწყებლობის ან კავშირგაბმულობის დაწესებულების ანდა სტრატეგიული ან განსაკუთრებული მნიშვნელობის ობიექტის ხელში ჩაგდება ან ბლოკირება
1. ტელერადიომაუწყებლობის ან კავშირგაბმულობის დაწესებულების ანდა სტრატეგიული ან განსაკუთრებული მნიშვნელობის ობიექტის ხელში ჩაგდება ან ბლოკირება, რამაც შეაფერხა ან შეეძლო შეეფერხებინა ამ დაწესებულების ან ობიექტის ნორმალური მუშაობა, – ისჯება ჯარიმით ან გამასწორებელი სამუშაოთი ვადით ერთ წლამდე ანდა თავისუფლების აღკვეთით ვადით ორ წლამდე.
2. იგივე ქმედება, ჩადენილი: ა) ჯგუფურად; ბ) არაერთგზის – ისჯება გამასწორებელი სამუშაოთი ვადით ორ წლამდე ან თავისუფლების აღკვეთით ვადით ორიდან ოთხ წლამდე“, – წერს უგრეხელიძე.
ოპოზიციური პარტიების წარმომადგენლებმა დღეს პარლამენტთან საპროტესტო აქცია გამართეს და თავიანთი მოთხოვნები გააჟღერეს. მათ შორის არის: 31 ოქტომბრის არჩევნების შედეგების არალეგიტიმურად ცნობა, რიგგარეშე არჩევნების ჩატარება და ცენტრალური საარჩევნო კომისიის ხელახალი დაკომპლექტება. მოგვიანებით მათ ცესკოსთან გადაინაცვლეს.
ცესკოსთან სამართალდამცველებმა დემონსტრანტების მიმართ წყლის ჭავლი გამოიყენეს. ამას წინ უძღოდა დაპირისპირება და აგრესია პოლიციელების მიმართ. ნინო ლომჯარიამ პოლიციას მოუწოდა ცესკოსთან აქციის მონაწილეების მიმართა არაპროპორციული ძალა არ გამოიყენონ