სპეციალური პენიტენციური სამსახურის საკარანტინო სივრცეში მყოფ ორ ბრალდებულს კორონავირუსი დაუდასტურდა.
COVID-19 მათ გეგმური ტესტირების შედეგად დაუდგინდათ. ორივე ბრალდებული სასწრაფო სამედიცინო დახმარების ბრიგადამ სამოქალაქო სექტორის სპეციალიზებულ, ე.წ. კოვიდკლინიკაში გადაიყვანა, სადაც მათზე ზედამხედველობა ელექტრონული სამაჯურის მეშვეობით ხდება.
ისინი ერთ საკანში იყვნენ მოთავსებულნი და მათთან ერთად, კიდევ ერთი ახალდაკავებული ბრალდებული იმყოფებოდა, რომლის პისიარტესტირების პასუხი უარყოფითი იყო, თუმცა კოვიდდადასტურებულ პირებთან კონტაქტის გამო ის 12-დღიან საკარანტინო პერიოდს კიდევ ერთხელ გაივლის და ხელახალი ტესტირების შემდეგ, ე.წ. მიმღებ პენიტენციურ დაწესებულებაში გადაიყვანენ.
კომენტარები