დაბრუნებულ მიგრანტთა დახმარების სახელმწიფო პროგრამის ფარგლებში 20 მოსწავლეს კომპიუტერი გადაეცემა.
დევნილთა სააგენტოს განცხადებით, კომპიუტერებით უზრუნველყოფის მთავარი მიზანია, ხელი შეუწყონ სამშობლოში დაბრუნებულ სასკოლო ასაკის მიგრანტების სწავლების დისტანციურ რეჟიმში შეუფერხებლად ჩართვას.
პროგრამაში მონაწილეობა შეუძლიათ მოსწავლეებს, რომლებიც ოჯახთან ერთად, საზღვარგარეთ 12 თვეზე მეტხანს იმყოფებოდნენ და ემიგრაციიდან ბოლო ერთი წლის განმავლობაში დაბრუნდნენ.
„განაცხადები 19 ნოემბრიდან 9 დეკემბრის ჩათვლით, დევნილთა, ეკომიგრანტთა და საარსებო წყაროებით უზრუნველყოფის სააგენტოსა და მის ტერიტორიულ სამმართველოებში შემდეგ მისამართებზე მიიღება: თბილისი, თამარაშვილის ქ. N15ა;
გორი, სამების ქ. N1; რუსთავი, ცურტაველის ქ. N5ა; ქუთაისი, აბაშიძის გამზ. N27; ზუგდიდი, აღმაშენებლის ქ. N106.
განაცხადის გამოგზავნა ასევე შესაძლებელია სააგენტოს ელექტრონულ ფოსტაზე: info@idp.gov.ge.