ჟურნალისტი ელისო ჩაფიძე სოციალურ ქსელში პოსტს აქვეყნებს და მისი ოჯახის კოვიდდაინფიცირების ისტორიის შესახებ წერს, სადაც ასევე მადლობას უხდის ყველა იმ ადამიანს ვინც ამ მძიმე ვირუსთან ბრძოლის დროს დაეხმარა.
“ჯერ კიდევ ძნელია, ვთქვა, რომ ოჯახმა კოვიდ 19 დავამარცხეთ, რადგან ერთ-ერთი ისევ საავადმყოფოში მკურნალობს. ეს იყო უმძიმესი ორი კვირა, ყველა სიმპტომით. როგორც კი ოდნავ სული მოვითქვი, მინდა, მადლობა გადავუხადო ყველა იმ ადამიანს, ვინც გვერდში გვედგა ამ ურთულეს დროს… უპირველეს ყოვლისა, ბატონ Levan Ratians, Darejan Chkhetiani, ბატონ რეზო სულუხიას, ქალბატონ ენძელა მაჭავარიანი, ჩემს Kote Bogveradze da Maka Chkheidze, ეკატერინე გვათუა… სწორედ ამ ადამიანების წყალობით მოვედით დღემდე, მათი ყურადღება და მოწოდებული წამალი თუ საკვები გვშველოდა.
ცალკე მინდა დავწერო მადლობა ქალბატონ ნანა ჩოკოშვილისადმი.ამ პანდემიის გამო გავიცანი ფაქტობრივად მისიონერი ქალბატონი, რომელიც ორჯერ ესტუმრა ჩემს ოჯახს, საკუთარი სიცოცხლის რისკის ფასად გვსინჯავდა, გვისმენდა,,, ფილტვებზე… ყოველგვარი საზღაურის გარეშე, სამსახურის შემდეგ… უბრალოდ, ძნელია, დაიჯერო რომ ასეთი ადამიანები ნამდვილად არსებობენ… უღრმესი მადლობა ნანა ექიმს… ადამიანს, რომელმაც ექიმსა და ზოგადად, ადამიანზე წარმოდგენა ამიმაღლა. მადლობა 112-ს, ჩვენი ოჯახის ყურადღებიან ექიმ ქალბატონ ნონას და ზოგადად, ყველა ადამიანს, ვინც ამ დაავადებას ებრძვის.
და ბოლოს, მადლობა ჩემს დას, ირმა ჩაფიძეს, ჩემი შვილების აღმზრდელებს,თეასა და ნანას, რომ თამარს და მარიამს უდედოდ-მამობა არ აგრძნობინეს… კორონამ, როგორც განსაცდელმა, ბევრი სიკეთე მოიტანა მადლიერების განცდით… ყველას ჯანმრთელობას გისურვებთ” – წერს ელისო ჩაფიძე.