ყველა სუნთქვის უკმარისობას ფილტვის ხელოვნური ვენტილაცია არ სჭირდება, მაგრამ არსებობს რაღაც ნაწილი, როდესაც ინფექცია პროგრესირებს. პროგრესირებს ეს იმას არ ნიშნავს, რომ ექიმი პაციენტს არ უვლის, ამ დროს ინფექცია განიცდის პროგრესირებას და ასეთი გამოხატულება აქვს, – ამის შესახებ პირველი საუნივერსიტეტო კლინიკის დირექტორმა, ლევან რატიანმა „პირველი არხის“ ეთერში განაცხადა.
„ეს ჩვენთის არ არის დიდი ტრაგედია, რადგან უამრავი პაციენტი მოხსნილა მართვითი სუნთქვიდან, მიუხედავად ასაკისა და ქრონიკული დაავადებისა. ეს არ ნიშნავს, რომ ადამიანმა, რომელიც ფილტვის ხელოვნურ ვენტილაციაზეა, მაინცდამაინც ბიოლოგიური სიცოცხლე სიკვდილით უნდა დაამთავროს. მაღალ პროცენტში ასეთი პაციენტები რამდენიმე დღე იმყოფებიან მართვით სუნთქვაზე, ეს არის მკურნალობის ერთ-ერთი მეთოდი“, – განაცხადა ლევან რატიანმა.