ძირითადად ალბათ, მაინც ექიმების დამსახურებაა და იმ სამედიცინო ჯგუფის, რომელმაც ეს ყველაფერი საკუთარ თავზე გადაიტანა, – ამის შესახებ „ნიუ ვიჟენის“ დირექტორმა მირზა ხინიკაძემ „დღის ქრონიკაში“ განაცხადა.
მისი თქმით, ნიღაბი, დისტანციის დაცვა და ხელების დაბანა, ეს არის ძირითადი მოთხოვნა, რის წინაშეც ვირუსი გვაყენებს.
„ძირითადად ალბათ, მაინც ექიმების და იმ სამედიცინო ჯგუფის დამსახურებაა, რომელმაც ეს ყველაფერი საკუთარ თავზე გადაიტანა და ძალიან ბევრი მედიცინის მუშაკი, საწოლიდან როგორც პაციენტი გადადიოდა უკვე სამორიგეოდ და პაციენტების მკურნალობაში ერთვებოდნენ. ტექნიკური ბაზა, ფინანსური მხარდაჭერა ერთი დიდი ნაბიჯია, მაგრამ ალბათ, მაინც ექიმების ხარჯზე ხდება ეს ყველაფერი.
რამდენად პარადოქსიც უნდა იყოს, 21-ე საუკუნეა, მაღალტექნოლოგიურ მიღწევებზეა გასული მსოფლიოს ნებისმიერი ქვეყანა, მაგრამ საბოლოოდ დავრჩით მაინც ძალიან პრიმიტიულ საკითხზე, ეს არის ნიღაბი, დისტანცია და ჰიგიენური წესების დაცვა, ეს მარტივად შესასრულებელი რეგულაციებია იმისთვის, რომ შევამციროთ ინფიცირებულთა რაოდენობა. დიდი პანდემიების დროს ყოველთვის საუბარი იყო, ნიღაბზე, დისტანციის დაცვასა და ხელების დაბანაზე, ეს არის ძირითადი მოთხოვნა, რის წინაშეც ვირუსი გვაყენებს“, – განაცხადა მირზა ხინიკაძემ.