“შეზღუდვების დანიშნულებაა ქვეყანაში ეპიდსიტუაცია დასტაბილურდეს”

საყურადღებო სიტუაციაა და ბოლო რამდენიმე კვირაა ახალი შემთხვევების რაოდენობა მზარდია, – ამის შესახებ ინფექციონისტმა, ალექსანდრე გოგინავამ „ქრონიკაში“ განაცხადა.

„ბოლო დღეებია 3-დან 4-მდე ახალი შემთხვევა ფიქსირდება, რაც საქართველოს მასშტაბის ქვეყნისთვის არის საკმაოდ საყურადღებო მდგომარეობის შემქმნელი.

შეზღუდვებს და რეგულაციებს ზუსტად ეს დანიშნულება აქვს, რომ მოხდეს ახალი შემთხვევების ზრდის შეკავება და შემდეგ თანდათან დაიწყოს შემთხვევების შემცირება და ეპიდსიტუაციის სტაბილიზაცია“, – განაცხადა ალექსანდრე გოგინავამ.