მართვის მოწმობის მისაღებად შესაბამის გამოცდაზე გასვლას მომსახურების სააგენტოში მხოლოდ 30 ნოემბრამდე დარეგისტრირებული პირები შეძლებენ, – ამის შესახებ „იმედის დილაში“ მომსახურეობის სააგენტოს დირექტორის მოადგილემ, იმედა მაკასარაშვილმა განაცხადა.
მან ისაუბრა არსებული შეზღუდვების პირობებში მართვის მოწმობის მისაღებად ვის და როგორ შეუძლია თეორიული და პრაქტიკული გამოცდების ჩაბარება.
მისივე თქმით, მომსახურეობის სააგენტოს გარკვეული სერვისები შეჩერებული აქვს. კერძოდ, მართვის მოწმობებთან დაკავშირებით, თეორიულ გამოცდაზე გასვლა 30 ნოემბრიდანაა შეჩერებული.
„ის პირები, რომელთაც რეგისტრაცია უკვე გავლილი ჰქონდათ, ან ჩაბარებული აქვთ შესაბამის კატეგორიის თეორიული გამოცდა, მხოლოდ ეს პირები შეძლებენ გამოცდაზე გასვლას. სხვა პირები ვერ შეძლებენ, რადგან მათთვის რეგისტრაციის პროცესი შეჩერებულია“, – განაცხადა იმედა მაკასარაშვილმა.
მისივე თქმით, მართვის მოწმობასთან დაკავშირებული სხვა სახის მომსახურეობა მოქალაქეებს სააგენტოში შეუძლიათ მიიღონ კვირის დღეებში.
კიდევ რა მომსახურეობის მიღებაა შესაძლებელი „იმედის დილის“ სიუჟეტში იხილავთ.