საქართველოს პრეზიდენტმა ზუგდიდის სოფელ დიდინეძში მომხდარ ინციდენტთან დაკავშირებით კომენტარი გააკეთა.
“დიდინეძში მომხდარ ინციდენტთან დაკავშირებით, ერთი მხრივ მოველი ეფექტურ, სწრაფ გამოძიებას, მაგრამ ამავე დროს, მოველი პოლიტიკოსებისგან ადეკვატურ შეფასებას”, – განაცხადა გიორგი მარგველაშვილმა.
მისი თქმით, ყველა პოლიტიკურ ძალაში შესაძლოა იყვნენ თავქარიანი ადამიანები, როომლებსაც არჩევნები მუშტი-კრივი ჰგონიათ.
“მე არაერთხელ აღვნიშნე, რომ ფაქტიურად ყველა პოლიტიკურ ძალაში შესაძლოა იყვნენ თავქარიანი ადამიანები, რომლებსაც მიაჩნიათ, რომ არჩევნები არის მუშტი-კრივი, მაგრამ მე ასევე მოველი, რომ პოლიტიკურ ძალებში ასევე, არიან ადამიანები, ვინც თავის პრინციპულ პოზიციას, თუნდაც თანაგუნდელებთან დაკავშირებით, დააფიქსირებენ“, – აღნიშნა გიორგი მარგველაშვილმა.
კომენტარები