ბურჭულაძეს არც ის აინტერესებს, გადალახავს თუ არა მისი ბლოკი ბარიერს, მაღალი ალბათობით, ის არჩევნების შემდეგ ბლოკიდან სოლიდურ ფულს მოხსნის და არა მხოლოდ პოლიტიკიდან, არამედ ქვეყნიდანაც კი წავა, – ამის შესახებ ”ახალი პოლიტიკური ცენტრის – გირჩის” თავმჯდომარე ზურაბ ჯაფარიძემ ”კვირის პალიტრისთვის” მიცემულ ინტერვიუში განაცხადა.
”ამხელა ადამიანი დგას და სამი წლის ბავშვივით იტყუება და იბლანდება საკუთარ ტყუილებში. მას უნდა სცოდნოდა, ეს თანხა ანგარიშზე რომც მქონოდა, ჩემთან და ”გირჩთან” ულტიმატუმის ენით საუბარი არ გამოვიდოდა. მეტიც, ”გირჩის” წევრებს საპარლამენტო სკამისთვის არ გავცვლიდი. ვფიქრობ, ამ ადამიანს ერთადერთი მოტივაცია აქვს – პოლიტიკაში იმისთვის მოვიდა, რომ წინასაარჩევნოდ რაც შეიძლება მეტი ფული იშოვოს. ბურჭულაძეს არც ის აინტერესებს, გადალახავს თუ არა მისი ბლოკი ბარიერს, მაღალი ალბათობით, ის არჩევნების შემდეგ ბლოკიდან სოლიდურ ფულს მოხსნის და არა მხოლოდ პოლიტიკიდან, არამედ ქვეყნიდანაც კი წავა”, – განაცხადა ჯაფარიძემ.