„არ გაბედოთ შემოიტანოთ ქვეყანაში ვაქცინა, რომელიც არ იქნება ჯანმრთელობის მსოფლიო ორგანიზაციის მიერ დამტკიცებული“, – ამის შესახებ გაეროს გენერალური მდივნის მრჩეველმა ჯანდაცვის საკითხებში, გიორგი ფხაკაძემ, „ტვ პირველის“ ეთერში განაცხადა.
ფხაკაძემ აღნიშნული განცხადებით, იმ ფარმაკომპანიების ხელმძღვანელებს მიმართა, რომლებსაც ინტერესი აქვთ ინდივიდუალური მოლაპარაკების გზით ქვეყანაში კორონავირუსის საწინააღმდეგო ვაქცინა შემოიტანონ.
„საჯაროდ მინდა ვთქვა, რომ ზოგიერთი ჯგუფი ცდილობს, ინდივიდუალური მოლაპარაკება ჰქონდეს ფარმაკომპანიებთან, რათა ვაქცინა შემოიტანონ.
კიდევ ერთხელ გეუბნებით, ეს იქნება არასწორი გზა. რასაც ვამბობ შეიძლება ვინმეს ვაწყენინო ან ვინმეს ბიზნეს ინტერესებზე ვაბიჯებ, მაგრამ ერთ რამეს გეტყვით, რომ არ გაბედოთ შემოიტანოთ ქვეყანაში ვაქცინა, რომელიც არ იქნება ჯანმრთელობის მსოფლიო ორგანიზაციის მიერ დამტკიცებული“, – აცხადებს ფხაკაძე.