აშშ-ის არჩეულმა პრეზიდენტმა, ჯო ბაიდენმა განაცხადა, რომ მასშტაბური კიბერშეტევის შედეგად, ჰაკერებმა მნიშვნელოვანი ინფორმაციის მოპარვა შეძლეს.
„ეს თავდასხმა კარგად დაგეგმილი და განხორციელებული იყო. ჰაკერებმა მნიშვნელოვანი ინფორმაციის მოპარვა შეძლეს“, – აღნიშნა ჯო ბაიდენმა.
აშშ-ის არჩული პრეზიდენტის თქმით, დონალდ ტრამპის ადმინისტრაციამ უნდა განაცხადოს, ვინ დგას მასშტაბური კიბერშეტევის უკან.
„ტრამპის ადმინისტრაციამ კიბერუსაფრთხოება თავის პრიორიტეტად ვერ გახადა. ადმინისტრაციამ მკაფიო პასუხი უნდა გასცეს საზოგადოებას, ვინ დგას ამ თავდასხმის უკან და ქმედითი ნაბიჯები გადადგას, რათა დამნაშვეებს პასუხი აგებინოს“, – განაცხადა ჯო ბაიდენმა.
14 დეკემბერს ცნობილი გახდა, რომ რუსმა ჰაკერებმა აშშ-ის ფინანსთა სამინისტროსა და ტელეკომუნიკაციებისა და ინფორმაციის ეროვნული სამმართველოს სისტემები გატეხეს. კიბერშეტევა სავარაუდოდ 2020 წლის გაზაფხულზე მოხდა. ჰაკერებმა უწყებების ელექტრონულ ფოსტებზე მიიღეს წვდება.