ბიძინა ივანიშვილის განცხადებით, არჩევნების შემდეგ, პარლამენტში, “ნაციონალური მოძრაობის” მაქსიმუმ 15 დეპუტატი შევა პარლამენტში.
“ხალხი ახლა მიღებს იმ საჩუქარს, რასაც 2012 წელს ელოდა, “ნაცები” ვეღარ “იბლატავებენ”. მათ დაუმთავრდათ გარედან მხარდაჭერა, რაც ახლა ხალხისკენაა მიმართული. ყველამ კარგად გაიცნო მათი ხელწერა. ფინანსურ რესურსზე წვდომა აღარ აქვთ და ბიზნესს ვეღარ აყაჩარებენ, ფულს ვეღარ შოულობენ ამ გზით. ყველა რესურსი ამოეწურათ.
5-10-15 დეპუტატი დაჯდება პარლამენტში, იქნებიან ცუციკებივით, ისე როგორც უნდა იყვნენ. მე არ ვამბობ, რომ ჩვენ ტოტალურად დავსჯით, თუმცა შეგახსენებთ, რომ სამართლიანობის აღდგენა არ დამთავრებულა და გამოძიება გრძელდება.
მუქარა არ მინდა, თუმცა 26 მაისის შედეგები ახლა გავრცელდა, ასევე ახალაიების საქმე – მამა და შვილები. დასასჯელი ვინც იყო, ყველა დაისაჯა.
მთელი საზღვარგარეთი დააბოლეს, თუმცა რესურსი ამოწურეს. ეს 4 წელი ჭირდებოდა ამას. მშიშარა ხალხის გუნდია. ამიტომ იყო წამება ქვეყანაში. შიშით ისევ წამებაზე მიდიოდნენ”, – განაცხადა ივანიშვილმა.
კომენტარები