იმ ხალხს, რომლებიც „ნაციონალების“ გვერდით დგანან, მოვუწოდებ, კარგად დაფიქრდნენ, იმდენად რამდენადაც, ესენი არიან იმ შავბნელი ძალების წარმომადგენლები, შემოგზავნილები არიან საქართველოში, მხოლოდ და მხოლოდ დროებით და თუ ისინი ვინმეს რამეს პირდებიან, ეს არის უსინდისო ტყუილი,- ამის შესახებ ირინა ენუქიძის ძმამ გოგი ენუქიძემ 2030.news-სთან განაცხადა.
მისივე თქმით, „ნაციონალურმა მოძრაობამ“ ძალიან ბევრი ადამიანი გააუბედურა. გოგი ენუქიძე სამეგრელოში ია მეტრეველსა და „ნაციონალური მოძრაობის“ მხარდამჭერებს შორის მომხდარ ინციდენტს გამიეხმაურა და აღნიშნა, რომ წარმოუდგენელია, შვილმკვდარი დედა ასე აბუჩად აიგდო.
“მათ არ აინტერესებთ, ქართველი ადამიანი როგორ იცხოვრებს, მათ აქვთ მხოლოდ თავიანთი ინტერესები. მთელი იმ 9 წლის განმავლობაში რაც ისინი მოღვაწეობდნენ, ცუდის გარდა არაფერი გაუკეთებიათ. დახოცეს ამდენი უდანაშაულო ადამაინი. ეს ეხება გირგვლიანს, რობაქიძეს, გამცემლიძეს, ვაზაგაშვილს და ასე შემდეგ, ბევრი ადამიანი გააუბედურეს და დაასახიჩრეს. დიდი დანაშაული მიუძღვის ამ მოძრაობას. ისინი დღეს არ უნდა ბედავდნენ ამ საქციელის ჩდენას, მინდა სინანული გამოვთქვა, რაც მოხდა ია მეტრეველთან დაკავშირებით . არ ვიცი, როგორ შეიძლება ქალბატონს, შვილმკვდარ დედას ასე მოექცე, ასე აბუჩად აიგდო. მე არ მესმის იმ ქართველების, რომელსაც ამის გაკეთება შეუძლიათ”,– აღნიშნა გოგი ენუქიძემ.
როგორც გოგი ენუქიძემ აღნიშნა, „რუსთავი 2“ ტყუილებს ქადაგებს. აქვე, ანუქიძემ მოუწოდა მოსახლეობას საპარლამენტო არჩვენებში ხმა არ მისცენ „ნაციონალურ მოძრაობას“.
„რუსთავი 2“, დღიდან მოსწრებისა, ტყუილებს ქადაგებს თავის ეთერში. თუნდაც გავიხსენოთ ის, რომ სანდრო გირგვლიანის გარდაცვალების მეორე დღეს, მათ სვანურ დაჯგუფებას დააბრალეს მისი გარდაცვალება. ამის შემდეგ, მათ ერთი სიტყვით ბოდიშიც კი არ მოუხდიათ ჩვენს მიმართ, რომ ასეთი საქციელი ჩაიდინეს. მხოლოდ ტყუილებით გვწამლავდნენ მთელი ამ პერიოდის განმავლობაში. დღევანდელ დღესაც აღარ იციან, როგორ გადაფარონ ყველაფერი თავისი ტყუილებით. თავიანთი მიზნის მისაღწევად „ნაციონალური მოძრაობა“ აკეთებს ყველაფერს, რომ დააჯეროს ხალხს, რომ კეთილი მიზნისთვის მოდიან, არადა მათ ეს ხალხი ფეხებზე კიდიათ. მე ძალიან ვთხოვ ხალხს დაფიქრდნენ ამაზე და „ნაციონალურმა მოძრაობამ“ არ უნდა მიიღოს არც ერთი ხმა ამ არჩევნებზე, ამისი ღირსები არ არიან, რადგან ეს არის დანაშაულებრივი მოძრაობა”,– განაცხადა გოგა ენუქიძემ.