რაგბის კავშირის პრეზიდენტობის კანდიდატმა ირაკლი აბუსერიძემ, რომელსაც საჯარო რეესტრმა რაგბის კავშირის პრეზიდენტად დამტკიცებაზე უარი უთხრა, პრესკონფერენცია გამართა და ჟურნალისტების შეკითხვებს უპასუხა.
მისი განცხადებით, დოკუმენტების ნაწილი საჯარო რეესტრში უკვე შეტანილია, საჭირო დამატებით დოკუმენტაციას კი ის მომავალ კვირას შეიტანს. აბუსერიძე აცხადებს, რომ რეგისტრაცია ტექნიკური ხარვეზის გამო შეჩერდა, ვინაიდან დეკემბრის დასაწყისში გამართულ გამგეობის სხდომაზე რაგბის კავშირის პრეზიდენტობის სამივე კანდიდატი და ასევე 42 სუბიექტიდან 36 სუბიექტი თანახმა იყო გადადებული ყრილობის ჩატარებაზე. მისთვის გაუგებარია, რატომ შეიცვალა პოზიცია ერთ-ერთმა კანდიდატმა და გარკვეულმა სუბიექტებმა.
კომენტარები