“ქართული ოცნება” 36 %, “ნაციონალური მოძრაობა” – 13% – კვლევის შედეგები

ტელეკომპანია „იმედმა“ სოციოლოგიური კვლევის მორიგი შედეგები გამოაქვეყნა.შედეგების მიხედვით, არჩევნებში სასურველი პარტიისთვის ხმის მიცემას გამოკითხულთა 59 % აპირებს. „ქართულ ოცნებას“ მხარს გამოკითხულთა 36 % უჭერს, „ერთიან ნაციონალურ მოძრაობას“ კი – 13 %. „თავისუფალი დემოკრატები“ -4 %-ით მესამე ადგილზე გავიდნენ, ხოლო რაც შეეხება „ლეიბორისტულ პარტიას“, მას ნდობას გამოკითხულთა 3 % უცხადებს. რესპონდენტების 2% მხარს უჭერს პარტიას- „პაატა ბურჭულაძე- სახელმწიფო ხალხისთვის“. „პატრიოტთა ალიანსსაც“ ხმას გამოკითხულთა 2 % აძლევს. ასევე, 2%-ს სჯერა „ნინო ბურჯანაძე- გაერთიანებული დემოკრატიული მოძრაობის“ და სხვა პარტიებსაც მხარს რესპონდენტების 2% უჭერს. ჯერ გადაწყვეტილება არ მიუღია, ან პასუხზე უარს ამბობს გამოკითხულთა 36%.
რაც შეეხება გადაუწყვეტელ ამომრჩეველს, მათი რაოდენობა, წინა კვლევასთან შედარებით, თითქმის 5%-ით, კერძოდ, 41,3 -დან 36 %-მდე შემცირდა და, ფაქტობრივად, მმართველი გუნდის მხარდამჭერთა რიცხვს გაუტოლდა.
კვლევამ ისიც გაარკვია, თუ რომელი პარტიისკენ იხრებიან ის ამომრჩევლები, რომელთაც გადაწყვეტილება ჯერ არ მიუღიათ. მონაცემების დადგენისთვის, ამ ადამიანებს დამატებითი კითხვები დაუსვეს, შედეგები კი ასეთია: „ქართული ოცნება“ – 47 %, „ერთიანი ნაციონალური მოძრაობა“ – 18 %, „თავისუფალი დემოკრატები“ – 6 %, „ლეიბორისტული პარტია“ – 5 %, „პატრიოტთა ალიანსი“ და“ პაატა ბურჭულაძე- სახელმწიფო ხალხისთვის“- 4 -4%, „ნინო ბურჯანაძე- გაერთიანებული დემოკრატიული მოძრაობა“ – 2 %, სხვა პარტიები – 3 %. დამატებითი კითხვების შედეგად რესპონდენტთა 11%-მა არჩევანი მაინც ვერ გააკეთა.
კვლევას კომპანია „ჯეი-პი-ემ სტრატეჯი სოლუშენმა“ 27-ი სექტემბრიდან 3 ოქტომბრამდე ატარებდა. კვლევის ფარგლებში, პირისპირ ინტერვიუს მეთოდით, 1199-ი ადამიანი გამოიკითხა. შედეგების ცდომილება 2,8% ია. საველე სამუშაო კომპანია „გორბიმ“ შეასრულა.