შს სამინისტროს, მომსახურების სააგენტოს პიარის ხელმძღვანელი, – ნათია ოქიტაშვილი სოციალურ ქსელში, ფეისბუქის საკუთარ გვერდზე პოსტს აქვეყნებს:
“მომსახურების სააგენტო 14 წლის არის 
#სააგენტო14წლის
ჩემი ცხოვრების ბოლო 14 წელი სწორედ ამ სამსახურში გავატარე და ვინც მიცნობთ ალბათ რაღაცნაირად სააგენტოსთან ასოციაციას ვიწვევ 
ეს ყველაფერი კი დაიწყო 2007 წლის 1 თებერვალს. სწორედ ამ დღეს მქონდა გუნდთან პირველი შეხვედრა, ე. წ. თათბირი 
ვაღიარებ და ცოტა დაბნეული ვიყავი, ვაკვირდებოდი სახეებს, სახელებს და ვცდილობდი არავინ დამვიწყებოდა. მოვხვდი სრულიად უცხო გარემოში და უცხო ადამიანებთან, მაგრამ ვიტყვი რომ მართლა უმაგრეს ადამიანებთან ერთად ვიმუშავე ამ 14 წლის მანძილზე. ალბათ არავის არ ეწყინება თუ ვიტყვი, რომ იმ ადამიანების მიმართ სხვა განწყობით ვარ და სულ სხვანაირად მიხარია მათი ნახვა, შეიძლება ითქვას, რომ მათთან ერთად გავიზარდე.
ბევრს გაგიჩნდებათ კითხვა – როგორ შეიძლება ადამიანი 14 წლის მანძილზე მუშაობდე ერთ სამსახურში და არ მოგბეზრდეს … ვაღიარებ და იყო მომენტები, როდესაც მიფიქრია ჩემი შესაძლებლობები ამოვწურე და აქ მეტს ვერაფერს გავაკეთებთქო, მაგრამ სწორედ ამ დროს ხდებოდა ისე რომ ვიცვლიდი „პროფილს“ და სულ სხვა მიმართულებით მიწევდა მუშაობა… და თან, ამასთან ერთად რაღაცნაირად ძნელია იმ სამსახურის დატოვება სადაც მუშაობ მისი დაარსების პირველივე დღიდან, როცა შენს თვალწინ მოხდა ამდენი ცვლილება, ამდენი წარმატება…. მიხარია, რომ ჩემი აქ მუშაობით სულ პატარა წვლილი მაინც შევიტანე სააგენტოს განვითარებაში, წინსვლაში და ა. შ. რა თქმა უნდა ჩვენ ყველას შეგვაქვს წვლილი ჩვენი სამსახურების ფუნქციონირებაში, იქნება ეს კარგი კუთხით თუ ცუდით … მომსახურების სააგენტო არის სამსახური, რომელიც მუდმივად ვითარდება, მუდმივად სთავაზობს მოქალაქეებს ახალ სერვისებს და სწორედ ამიტომ ამ სამსახურში მუშაობა მოსაბეზრებელი არ არის, ბევრი შესაძლებლობა აქვს განვითარების და საუკეთესო სერვისის მიწოდების.
მადლობა, ყველა იმ მოქმედ თუ ყოფილ თანამშრომელს რომელმაც სააგენტოს განვითარებაში შეიტანეთ წვლილი, უდიდეს პატივს გცემთ და რაღაცნაირად მიყვარხართ თითოეული თქვენთანგანი.
ბოლოს კი – გილოცავთ კოლეგებო, ეს დღე ჩვენი დღეა, იმ ადამიანების, ვისაც თუნდაც 1 დღე უმუშავია ამ სამსახურში, ყველას (ჩემი ჩათვლით) გისურვებთ წარმატებას და ბევრი კარგი საქმის ერთად კეთებას.”