ოზურგეთის მაჟორიტარობის კანდიდატმა ზურაბ ჩხაიძემ, რამდენიმე საათის წინ, სოციალურ ქსელში ემოციური სტატუსი გამოაქვეყნა:
“აი უკვე დასასრულს უახლოვდება წინა საარჩევნო კამპანია და კიდევ ერთხელ თვალი გადავავლე ამ უკანასკნელ სამ თვეში განვითარებულ მოვლენებს.
უპირველესად მინდა ხაზგასმით ავღნიშნო, რომ კიდევ ერთხელ დავრწმუნდი გადაწყვეტილების სისწორეში, კენჭი მეყარა ჩემს მშობლიურ რაიონში მაჟორიტარი დეპუტატობის კანდიდატად.ეს ერთგვარი ტესტი გახლდათ ჩემს მიერ განვლილი გზის შეფასებისათვის.როგორც აღმოჩნდა ხალხს არაფერი ავიწყდება და უფრო მეტიც, შენ რაც არ გახსოვს იმასაც კი შეგახსენებენ.ჰოდა, ბევრი რამ, კეთილი და კარგი გამახსენეს. მადლობა მათ! სამწუხაროდ იყო ისეთიც, ვისაც ჩავაცვი იმან გამხადა რომ ჰქვია!
საშინლად გულდაწყვეტილი ვარ იმით,რომ ამ მოკლე ხანში ჩვენი გულშემატკივრების რიგებს დააკლდა უახლოესი ადამიანები, ვალტერ ტუღუში, ხუტა მამალაძე,რეზო ჭანტურია, გელა საიამაშვილი, ქალბატონი ლიანა ნიოლაიშვილი და სხვანი. ღმერთმა სამარადისო სასუფეველი დაუმკვიდროთ!
მადლობა ჩემი საარჩევნო შტაბის ”პირად შემადგენლობას,” მუხლჩაუხრელი შრომისა და ერთგულებისთვის! კიდევ ცოტაც და შეგვეძლება ერთად გავიხაროთ!
განსაკუთრებული მადლობა ამომრჩევლებს, რომლებიც ხვალ საარჩევნო ყუთებთან საკუთარი რწმენისა და სინდისის კარნახით მიიღებენ გადაწყვეტილებას! გახსოვდეთ, რომ არავითარი ვიდეო თვალი იქ არ არსებობს.მხოლოდ მაღალი ღმერთი ხედავს ყველას და ყველაფერს!
გფარავდეთ სამების ძალა და მადლი!”,-წერს ჩხაიძე.