ხმაური და დაპირისპირება იყო პარლამენტის წინ, სადაც „ნაციონალური მოძრაობის“ წევრი, გიორგი ჩალაძე, პარტიის აქტივისტებთან ერთად, ცდილობდა კარვის განთავსებას.
სამართალდამცველებმა შეკრებილებს განუმარტეს, რომ პარლამენტთან ხვალ დაგეგმილია ღონისძიება კონსტიტუციის დღესთან დაკავშირებით და არსებობდა გონივრული ეჭვი, რომ კარავი ხვალამდე ადგილზე დარჩებოდა და აქტივისტები სხვა კარვებსაც განათავსებდნენ. სწორედ ამის გამო, პოლიციამ პარტიის აქტივისტებს მოუწოდა, კარავი განეთავსებინათ პირველი კლასიკური გიმნაზიის, ან მოსწავლე-ახალგაზრდობის სასახლის წინ.
გიორგი ჩალაძე აცხადებს, რომ ამით მისი კონსტიტუციით გარანტირებული უფლება ირღვევა, კარავს მაინც გაშლის და ორშაბათს, ამის შესახებ, სასამართლოს მიმართავს.
კომენტარები