რატი ბრეგაძე, სოციალურ ქსელში ირაკლი ღარიბაშვილის შესახებ პოსტს აქვეყნებს.
„ადამიანი, რომელსაც ეკუთვნის მადლობა. ჩემი ირაკლისადმი დიდ პატივისცემაზე დამყარებული სუბიექტური დამოკიდებულების მიუხედავად სრულიად ობიექტურად ვიტყვი, რომ ამ კაცმა თავისი ადამიანობით, ქვეყნის უპირობო სიყვარულით, მონდომებით, ცოდნითა და საქმიანი უნარებით ამ მოკლე პერიოდში თავდაცვის სამინისტროში მართლაც რომ შეუძლებელი შეძლო.
თავს უფლებას მივცემ, ორიოდე სიტყვა ადამიანური კუთხითაც ვთქვა. ნებისმიერი ადამიანის გასაჭირს, რომელიც მის ყურამდე მისულა, იღებდა როგორც საკუთარს და ღიად ვიტყვი, მრავალი ოჯახისთვის ეგზისტენციალური მნიშვნელობის არაერთი პრობლემა გადაჭრა. არც ამ ადამიანების სახელები და არც მათთვის გაკეთებული საქმეები არ გამხდარა საჯარო და სწორედ ეს არის დასაფასებული. ბევრი სიკეთე გაკეთდა ჩუმად და კიდევ უფრო მეტი წინაა.
ბოლოს ერთს ვიტყვი, დიდი ფუფუნებაა, როდესაც ხელმძღვანელი უანგარო მასწავლებელია. ამისათვის კი განსაკუთრებული მადლობა.
წინ ბევრი გამოწვევაა, დარწმუნებული ვარ ერთობლივი ძალებით ღირსეულად დაიძლევა საქართველოს საკეთილდღეოდ.
P.s ეს სურათი 2015 წლის 26 დეკემბერსაა გადაღებული სახელწოდებით thank you captain. მაშინაც დარწმუნებული ვიყავი, რომ დაბრუნდებოდა, იმიტომ რომ ქვეყანას სჭირდება პატრიოტები“, – წერს რატი ბრეგაძე.