ემანუელ ზინგერი: საქართველოში საპარლამენტო არჩევნები კონკურენტუნარიან გარემოში გაიმართა

„2016 წლის საპარლამენტო არჩევნები კონკურენტუნარიან გარემოში გაიმართა“, – ასე შეაფასა საპარლამენტო ასამბლეის დამკვირვებელთა დელეგაციის ხელმძღვანელმა, ლატვიელმა პოლიტიკოსმა ემანუელ ზინგერმა საქართველოში 8 ოქტომებრს გამართული არჩევნები.
თუმცა, როგორც ემანუელ ზინგერმა დღევანდელ პრესკონფერენციაზე აღნიშნა, ზოგიერთ საარჩევნო უბანზე კანდიდატების მიმართ მიუღებელი ქცევები დაფიქსირდა, რაც მეორე ტურის გამართვის შემთხვევაში აღარ უნდა დაფიქსირდეს.
„მინდა მივულოცო საქართველოს ზოგადად. დიდი სიხარულით უნდა ვისაუბრო საქართველოს ზოგადი განვითარების შესახებ. ამჯერად, კონკრეტულად არჩევნებზე არ ვსაუბრობ. საქართველომ რეგიონში მნიშვნელოვან განვითარებას მიაღწია. ჩვენ მართლაც ვეძებთ შესაძლებლობებს, რომ შემდეგი თვეების განმავლობაში, რათა ევროკავშირში საქართველოსთვის გაიხსნას უვიზო სივრცე და ეს ალბათ შესაძლებელი იქნება ჩვენთვის და ჩვენი უკრაინელი მეგობრებისთვისაც. რაც შეეხება არჩევნებს, ვიდრე ჩვენ საბოლოო დასკვნებს გავაკეთებდით საარჩევნო პროცესის შესახებ, ევროპის საბჭოს საპარლამენტო ასამბლეა ითვალისწინებს, რომ ველოდებით არჩევნების შედეგებს მთელ რიგ მაჟორიტარულ ოლქებში. არჩევნები კონკურენტულ გარემოში გაიმართა. წინასაარჩევნო პერიოდში კანდიდატების მიმართ მიუღებელი ქცევები დაფიქსირდა. ასეთი საქციელი აღარ უნდა განმეორდეს”, – განაცხადა ემანუელ ზინგერმა. ამავე
პრესკონფერენციაზე, საპარლამენტო ასამბლეის დამკვირვებელთა დელეგაციის ხელმძღვანელმა წინასაარჩევნო პერიოდში პოლიტიკურ დაფინანსებაზეც ისაუბრა. მისივე თქმით, წინასაარჩევნო პერიოდში პოლიტიკური პარტიების დაფინანსება არასამართლიანად ხდებოდა.
„მმართველმა პარტიამ მიიღო უფრო მეტი დაფინანსება, ვიდრე სხვა პოლიტიკურმა პარტიებმა და ეს განსხვავება ს ძალიან დიდია.“ – აღნიშნა ემანუელ ზინგერმა.