სამხრეთ-აღმოსავლეთ პოლონეთში, ავტობუსი, რომლითაც უკრაინელები მგზავრობდნენ, თხრილში ჩავარდა. შედეგად, დაღუპულია 6 და დაშავებულია 30-ზე მეტი ადამიანი, – ამის შესახებ Reuters-ი წერს.
ავარია ღამით, მაშინ მოხდა, როცა პოლონეთში სამუშაოდ ჩასული 57 მუშა უკრაინაში ბრუნდებოდა.
„შემთხვევის დროს, მგზავრთა უმეტესობას ეძინა. მათ დიდ ნაწილს ღვედი არ ეკეთა და სერიოზული დაზიანებები მიიღეს. მგზავრთა ძირითადი ნაწილი ახალგაზრდა ადამიანები არიან“ – ამბობს სასწრაფო სამედიცინო სამსახურის წარმომადგენელი.
არსებული ინფორმაციით, მგზავრებს შორის არცერთი ბავშვი არ ყოფილა.
პოლონეთში ორ მილიონამდე უკრაინელი ცხოვრობს ან მუშაობს.
კომენტარები