ტუნისის სანაპიროსთან ორი ნავი ჩაიძირა, რომლითაც მიგრანტები იტალიის კუნძულ ლამპედუზაზე გადასვლას ცდილობდნენ, – ამის შესახებ ინფორმაციას Reuters-ი ტუნისის თავდაცვის სამინისტროზე დაყრდნობით ავრცელებს.
სამინისტროს ცნობით, შემთხვევის შედეგად სულ მცირე 39 მიგრანტი დაიღუპა, ყველა მათგანი სუბსაჰარული აფრიკიდანაა. ამასთან, სანაპირო დაცვის თანამშრომლებმა 165 ადამიანის გადარჩენა შეძლეს, დაკარგულების ძებნა კი ამ დრომდე გრძელდება.
ტუნისის საპორტო ქალაქ სფაქსის ახლომდებარე სანაპირო ზოლი გამგზავრების ძირითადი პუნქტი გახდა იმ ადამიანებისთვის, რომლებიც აფრიკიდან და ახლო აღმოსავლეთიდან კონფლიქტსა და სიღარიბეს გაურბიან და ცხოვრების უკეთესი პირობების პოვნას ევროპაში ცდილობენ.
კომენტარები