რუსეთის კომუნიკაციების, ინფორმაციული ტექნოლოგიებისა და მასმედიის ზედამხედველობის ფედერალურმა სამსახურმა („როსკომნადზორი“) სოციალური ქსელი Twitter-ის მუშაობის სიჩქარის შენელება დაიწყო.
უწყებაში აღნიშნავენ, რომ დაწესებული შეზღუდვა იმ ფაქტს უკავშირდება, რომ Twitter-მა რუსეთში აღიარებული აკრძალული კონტენტი პლატფორმიდან არ წაშალა.
„2021 წლის 10 მარტიდან Twitter-თან დაკავშირებით მიღებულია ცენტრალიზებული რეაგირების ზომები, კერძოდ, რეგლამენტის თანახმად, შენელდება მომსახურების სიჩქარე. შენელება განხორციელდება მობილური მოწყობილობების 100%-სა და სტაციონარული მოწყობილობების 50%-ზე“, – ნათქვამია „როსკომნადზორის“ განცხადებაში.
კომენტარები