ჟურნალისტი გია გაბრიჭიძე სოციალურ ქსელში წერს:
„ნამდვილად არ მესმის.
ვფიქრობ, ვფიქრობ, ვფიქრობ და ვერაფრით ვხვდები.
აი სერპუხოვოს სინქროფაზატრონის მუშაობის ნიუანსების გაგება უფრო ადვილია, ვიდრე იმის, თუ რატომ არ ღებულობენ კანონს ცილისწამებისა და სიცრუის გავრცელების წინააღმდეგ.
პრემიერ-მინისტრი, შსს, უმაღლესი საკანონმდებლო ორგანოს წევრები, პანდემიასთან მებრძოლი ექიმები, ნამდვილი ჟურნალისტები, საზოგადოების წარმომადგენლები, მოსახლეობის უდიდესი უმრავლესობა იძახის, რომ სახელმწიფო სამ ე.წ. ტელევიზიას ცილისწამებისა და სიცრუის ტერორის ქვეშ ჰყავს.
კანონს კი არ ღებულობენ!
არ მითხრათ ახლა “სიტყვისა და გამოხატვის თავისუფლება შეიზღუდება და დემოკრატიულ ფასეულობებს ჩირქი მოეცხებაო”.
რა სისულელეა.
ვინც ამას იტყვის, მან ნამდვილად არ იცის დემოკრატიის და სიტყვის თავისუფლების მნიშვნელობა.
არც იმის მჯერა, დასავლეთი ვერ გაგვიგებსო.
ნორმალურ დასავლეთს ძალიან კარგად ესმის და ის დასავლეთი, რომელიც რურუას და მელიას პოლიტპატიმრებად მიიჩნევს, შეშფოთებულ წერილებს ისედაც თითქმის ყოველდღე გვიგზავნის.
თუ “არასამთავრობოების” მოსალოდნელი რეაქციის გვეშინია, მაგათ ბასილაშვილმა ფედერერს რომ მოუგო, ის არ მოეწონათ, რაც შეეძლოთ იწივლეს და მაგათი მხრიდან ამ “კრიტიკასაც” გავუძლებთ.
ჰოდა, მომკალით და არ მესმის, რატომ არ ვღებულობთ ცილისწამებისა და სიცრუის გავრცელების წინააღმდეგ კანონს?“ – წერს გია გაბრიჭიძე.