ნიდერლანდების პოლიციამ ქალაქ ჰააგაში შემზღუდველი ზომების საწინააღმდეგო საპროტესტო აქცია დაშალა. ქალაქის პარკში სამართალდამცველებმა დემონსტრანტების წინააღმდეგ წყლის ჭავლი გამოიყენეს.
„ევრონიუსის“ ინფორმაციით, დაკავების შემდეგ ერთ-ერთ დემონსტრანტს პოლიციის ძაღლმა უკბინა. ნიდერლანდების პოლიციის ინფორმაციით, დაკავებამდე მამაკაცი პოლიციელებს ჯოხით დაესხა თავს.
რამდენიმე ადამიანს საპროტესტო აქციაზე შემდეგი შინაარსის წარწერები ეჭირათ – „სიყვარული და თავისუფლება: არა დიქტატურას“. ვირუსის გავრცელების შეზღუდვის მიზნით, ნიდერლანდებში საღამოს 21:00 საათიდან დილის 04:30 საათამდე ე.წ. კომენდანტის საათი მოქმედებს.
კომენტარები