შიდა ბაზრის საკითხებში ევროკომისარმა, ტიერი ბრეტონმა განაცხადა, რომ ევროკავშირს რუსული ვაქცინა „სპუტნიკ V“ არ სჭირდება.
„სპუტნიკ V“ საერთოდ არ გვჭირდება. დღეს ჩვენ გვაქვს შესაძლებლობა, რომ ივნისის ბოლომდე 300-350 მილიონამდე დოზის მიწოდება და შესაბამისად, 14 ივლისისთვის იმუნიტეტის მიღწევა მთელი კონტინენტის მასშტაბით შევძლოთ“, – აღნიშნა ევროკომისარმა ფრანგულ ტელეარხ TF1-თან ინტერვიუში.
4 მარტს, ევროპის წამლის სააგენტომ (EMA) რუსული ვაქცინა „სპუტნიკ V“-ის ექსპერტიზის პროცედურა დაიწყო. ევროკავშირის მარეგულირებელში განაცხადეს, რომ ექსპერტიზის ფარგლებში, სპეციალისტები პრეპარატის ევროკავშირის სტანდარტებთან შესაბამისობას შეაფასებენ.
კომენტარები